عدد المساهمات : 86 نقآط : 5468 تاريخ التسجيل : 09/09/2009
موضوع: هااااااااااااااااام لكل البنات الثلاثاء سبتمبر 15, 2009 12:24 pm
السلام عليكم ورحمه الله وبركاته .
مراحب يا بنات ..
كل سنة وانتوا طيبين .. وكل عام وانتوا بألف ألف خير .. وينعاد عليكم بالخير واليمن والبركات ..
هاذي وحده حبت تنقلكم تجربتها او تجاربها لعل الله ان ينفعنا واياكم بها ..
بقول لكم قصتي من البداية ..
بنات أنا كانت علاقتي مش كويسة مع أمي .. كانت أمي ما تفهمني .. وعمرها غير متناسب مع عمري .. وجيلها مش من جيلي .. يعني هي مرة كبيرة تجاوزت الخمسين سنة .. وأنا لساتني كنت 19 أو 20 سنة ..
دارت الأيام .. وتخرجت من المدرسة .. ودخلت الجامعة .. وما طق بابي غير اثنين بالعدد لا ثالث لهما .. وكل واحد اقشر من الثاني وما صار نصيب .. قمت أفكر .. وأفكر ليش يا ربي كذا .. ليش البنات ينخطبون بالهبل وأنا لاء؟؟ ليش حظي واقف وحظ الناس ماااشي؟؟ ليش؟؟
أخيرا اكتشفت ذلك السر العظيم ..(بعد ما سمعت محاضرة عن البر بالوالدين) .. فجأة وبدون مقدمات .. تقبلت أمي كما هي بالضبط .. بأفكارها الرجعية .. بأسلوبها الغير متناسب مع أساليبنا حاليا .. وقمت آخذها معي لكل مكان .. وأتشرف بها أمام صديقاتي .. ولما أجيب صديقاتي للبيت لازم نطرق باب أمي واقول لأمي هاذي أمل .. واقول لأمل هاذي أمي الغالية وابوس راسها ..
وقمت أصرف عليها من مصروفي الشخصي .. مع انه كان قليل جدا .. 300 ريال فقط .. مع ذلك .. أشتري لها هدايا في الأعياد .. شال أو عطر .. وإذا جا الشتا أشتري لها فانيلات صوف وشغلات تناسب عمرها ..
وصارت راضية عني تمام الرضا .. حتى لو كانت تقول كلام ما يعجبني أو تحرجني أمام صديقاتي .. كنت أتملص من الإحراج بلباقة .. ولا أنزل من قدرها وقيمتها لا أمام نفسي .. ولا أمام صديقاتي .. ولا أغتابها وأقول ما تفهم وما تقدر عمري .. إلخ .. بالعكس صرت بدل ما أذمها قبل .. قمت أمدحها وغيرت نفسي ما غيرتها اهي .. هي صعب تتغير .. مرة كبيرة .. بس أنا ممكن أغير من تفكيراتي لأني متفتحة ومتعلمة ..
ومرت الشهور .. وأنا نسيت موضوع الخطاب تماما .. لحد ما جا يوم أخوي قال لي جاي لك عريس .. ومن ذاك اليوم الخطاب ما انقطعوا عن بيتنا لحد ما تزوجت ..
حتى في تجهيزي لزواجي يا بنات .. بقول لكم حاجة ما راح تصدقوها .. يوم ما أطلع من البيت بشتري أغراضي وهي راضية عني سبحانك يا ربي .. ألقى كل إلي خاطري فيه .. ويوم إلي أطلع وهي ودها في شغلة ما عملتها لها .. ما أتوفق ولا ألقى إلي أبغاه ..
ومن يوم ما بريت بها .. لليوم أنا دائما معها .. وصرت آخذها حتى لما اروح صالونات الفنادق الراقية .. أنا ما غيرت من لباسها ولا شي .. هي عرفت إن لباسها ما يناسب هالأماكن .. وقامت تلبس عباية جديدة ونعال غير .. من بروحها .. وتكون جدا سعيدة لما أتشرف بها أمام الناس .. حتى زوجي صار يوثق فيني لأني آخذها معي بكل طلعاتي .. ورجلي على رجلها أخليها تشم هوا وتغير جو البيت ..
مو بس توفقت بزواج .. توفقت من بعد بري بها بكل شي .. حتى بعلاقاتي الاجتماعية صارت أحسن .. حتى أمام أهل زوجي صرت أعز وأنا مفتخرة بأمي .. ولو إن أم زوجي غير عن أمي تماما في الطريقة وفي اللبس .. مع ذلك .. أجيب أمي عندها .. في بيتي .. واقول لأم زوجي هاذي الوالدة .. حتى هم زاد احترامهم لي .. حتى في دراستي توفقت .. بعد ما كان حظي واقف وحياتي متخربطة بسبب عقوقي لها .. الله لا يعيد ذيك الأيام .. صدقوني كان عن جهل مني .. وصغر سن ..
اعذروني ما جبت سيرة الوالد .. لأنه متوفي من 13 سنة .. الله يرحمه ..يا ريته كان موجود .. وأبر به وأحصل فيه أجر وثواب ..
حتى لو علو صوت بسيط لا تعلينه على أمك .. ولا تجادلينها .. بس خلي كلمة إن شاء الله .. وحاضر .. وعلى أمرك .. ومن عيوني .. أنا كم أم فلان عندي؟؟ دااااايم على لسانك .. ومن دون ما تشعرين بكون قلبها وروحها راضيين عليكِ ..
بنات جاي العيد .. ولا تنسون أمهاتكم وآباءكم من العيدية .. وكل ما قدرتي تعطينهم أكثر .. لا تبخلين .. الفلوس هاذي ترجع لك الضعف بقدرة رب العالمين ..
بنات ادعوا إن الله يطول بعمر أمي .. وما يحرمني منها أبد .. هي تاااج على راسي .. مثل ما أمهاتكم تاج على روسكم ..
والله نصحتكم من كل قلبي .. وقلت لكم سر توفيقي .. أتمنى انكم تذكرون الله وتصلون على النبي .. وتدعون إن الله يرزقني بالذرية الصالحة ..
كتبت الموضوع .. لأني أتمنى لكم التوفيق .. مثل ما أتمناه لنفسي .. الله يهديكم للبر بالوالدين .. مثل ما هداني .. ويثبت كل وحدة مهتدية على طريقها المستقيم ..
miss.Lamoosy ** نــ المديرة ــآئبة **
عدد المساهمات : 190 نقآط : 5671 تاريخ التسجيل : 15/07/2009
موضوع: رد: هااااااااااااااااام لكل البنات الثلاثاء سبتمبر 15, 2009 10:26 pm
تذكرت سالفه <<<الله يستر بدت تطلع البلاوي
مرهـ من المرارير كنا بالسوق وعجبتن علبه اكسسوار لتسريحتي ويوم شفت سعره قلت بس لو تدري امي بتقول لأ
واضفه مع باقي الاغراض وجينا للمحاسب وطلعت العلبه يحاسب عليه وقالت امي بكم هاذي ..؟؟
قال المحاسب بكم وتنهبل امي عســــى ماشر قاعدين على بنك <<<لاااتعليق
قلت مآآآلي شغل آخذته آخذته وبعد نزاع دام عشر دقايق قالت امي خلاص حاسب عليه ((وتشققت من الونآآسه )) انتصرت
وحطيت الكيس بالسياره وطبعا بعد ماتطمنت على علبتي ومشينا من بكرى من الرياض ووصلنا ديرتنا الحبيبه ونطيت للشنطه انزل الكيس والمفاجئه الكبرى ...العلبه مـووومــوجــوده ..
وطبعا ماحد يدري وينه والسالفه صار له خمس شهور وإلا يومكم ندوره
الخلاصه : تبت آخذ شي وامي مارضت والحمدالله انه جت على العلبه <<
يعطيك العافيه قلب نمله
الله يخلي لنآآ آمهـآتنــآآ ويجـزاهم ربي الجنــه ويعطيهم طولة العمر
::* GooGoo *:: رقابة
المزآآج :
عدد المساهمات : 487 نقآط : 6025 تاريخ التسجيل : 10/08/2009
موضوع: رد: هااااااااااااااااام لكل البنات الأربعاء سبتمبر 16, 2009 5:51 am